Video: వైన్‌షాప్‌లో దొంగతనానికి వచ్చి మందేసి పడుకున్నాడు..!

దొంగతనం చేద్దామని వచ్చాడు.. అది కూడా మద్యం దుకాణంలో దొంగతనం చేసేందుకు వచ్చాడు.. సరే ఎలాగూ వచ్చాడు అనుకుంటే.. గుట్టుగా వచ్చిన పని చేసుకున్నామా, ఎవరి కంటా పడకుండా వెళ్లిపోయామా అన్నట్టు కాకుండా.. వీడు చేసిన పని చూస్తే.. ఓరి నీ దుంపతెగ దొంగతనానికి వచ్చి ఇదేం పనిరా సామీ.. మరీ అంతగా ఆపుకోలేకపోయావారా బాబూ.. అని నాలుగు చివాట్లు పెట్టకమానరు. ఇంతకూ.. వాడు అంతగా ఆపుకోలేక ఏం చేశాడ్రా అంటే.. వైన్ షాపులో దొంగతనానికి వచ్చి నాశాలానికి నిశా ఎక్కేవరకు తాగేసి.. అక్కడే నడుం వాల్చేశాడు. అది కూడా తెల్లారి.. ఆ వైన్ షాప్ ఓనర్ వచ్చి చూసి.. పోలీసులకు చెప్పి వాళ్లు కూడా వచ్చే దాకా.. సుఖంగా స్వర్గంలో తేలియాడుతూ పవలించాడు. ఈ ఆసక్తికర ఘటన మెదక్ జిల్లా నార్సింగిలో జరిగింది.