Vizag Airport: ఉత్తరాంధ్రవాసులకు నో టెన్షన్.. విశాఖ నుంచి కొత్త విమాన సర్వీసులు

ఉత్తరాంధ్రవాసులకు కేంద్రం తీపికబురు అందించింది. విశాఖపట్నం నుంచి నూతన విమాన సర్వీసులు ప్రారంభం కానున్నాయి. ఈ నెలలో ఒక సర్వీసు, వచ్చే నెలలో మూడు కొత్త సర్వీసులు ప్రారంభం కానున్నాయి. విశాఖపట్నం హైదరాబాద్ మధ్య ఈ నెల 21న ఒక సర్వీస్ ప్రారంభం కానుండగా.. అక్టోబర్‌లో మరో సర్వీస్ స్టార్ట్ కానుంది. అలాగే విశాఖ- విజయవాడ మధ్య మరో సర్వీసును వచ్చే నెలలో ప్రారంభించనున్నారు. ఇండిగో ఎయిర్‌లైన్స్ ఈ సేవలను ప్రారంభించనుందని అధికారులు తెలిపారు.