అది మంచి నిర్ణయమే కానీ.. వక్ఫ్ సవరణ బిల్లుపై కేశినేని నాని ఆసక్తికర పోస్ట్

ప్రస్తుతం దేశవ్యాప్తంగా చర్చనీయాంశంగా మారిన వక్ఫ్ సవరణ బిల్లుపై మాజీ ఎంపీ కేశినేని నాని తన అభిప్రాయాన్ని తెలిపారు. ఈ బిల్లుతో వక్ఫ్ ఆస్తుల డిజిటలైజేషన్ జరుగుతుందని.. అప్పుడు అక్రమ ఆక్రమణలు, భూ దుర్వినియోగం తగ్గే అవకాశం ఉందన్నారు. అప్పుడు అకౌంటబిలిటీ పెరుగుతుందని.. వక్ఫ్ ట్రిబ్యునల్ లో కేసులు ఏళ్ల తరబడి ఉండకుండా త్వరగా పరిష్కారం చెప్పే అవకాశం ఉంటుందన్నారు. ఈ చట్టంపై ముస్లిం సంఘాలతో సమగ్ర చర్చలు జరిపి.. ముస్లిం సమాజంలో నెలకొన్న అభద్రతా భావాన్ని తొలిగించాల్సిన బాధ్యత కేంద్రంపై ఉందన్నారు.