అది మెడిసిన్ అనుకుంటే పొరపాటే.. వినూత్నంగా రూపొందించిన వెడ్డింగ్ కార్డ్.. భలే ఉందిగా..

పెళ్లి అంటే ఇద్దరు వ్యక్తుల కలయిక మాత్రమే కాదు.. అది జీవితాంతం గుర్తుండిపోయే ఒక అపురూపమైన ఎమోషన్. ప్రతి ఒక్కరూ తమ వివాహ వేడుకను మధుర జ్ఞాపకంగా మార్చుకోవాలని ఆరాటపడతారు. ఈ క్రమంలోనే భద్రాద్రి కొత్తగూడెం జిల్లాకు చెందిన ఒక జంట తమ వృత్తిపై ఉన్న మక్కువతో వినూత్నంగా ఆలోచించింది. మెడికల్ రిప్రజెంటేటివ్‌గా పనిచేస్తున్న వరుడు, ఫార్మసిస్ట్ అయిన వధువు కలిసి తమ వెడ్డింగ్ కార్డును అచ్చం టాబ్లెట్ స్ట్రిప్ నమూనాలో ముద్రించారు. ఈ వెరైటీ ఆహ్వాన పత్రికను చూసిన వారంతా ‘పెళ్లి పత్రికలు ఇలా కూడా చేస్తారా’ అని అవాక్కవుతున్నారు.