అదృష్టం అంటే రఘురామదే.. రెండుసార్లు తప్పింది కానీ.. మూడోసారి వరించింది

ఏపీ డిప్యూటీ స్పీకర్ రఘురామకృష్ణరాజుకు మరో గౌరవం దక్కింది. ఆంధ్రప్రదేశ్ ప్రభుత్వం రఘురామకృష్ణరాజుకు కేబినెట్ హోదా కల్పించింది. డిప్యూటీ స్పీకర్ పదవిలో ఉన్నంత కాలం ఆయనకు కేబినెట్ హోదా వర్తిస్తుంది. ఈ మేరకు ఆంధ్రప్రదేశ్ ప్రభుత్వ రాజకీయ కార్యదర్శి సురేష్ కుమార్ ఉత్తర్వులు జారీ చేశారు. రఘురామను ఇటీవలే ఏపీ అసెంబ్లీ డిప్యూటీ స్పీకర్‌గా ఎన్నుకున్నారు. ఇప్పుడు కేబినెట్ హోదా కూడా దక్కుతోంది. టీడీపీ కూటమి సర్కారులో రఘురామకు మంత్రి పదవి లేదా అసెంబ్లీ స్పీకర్ పదవులు దక్కుతాయని వార్తలు వచ్చాయి. ఆ రెండూ రాకపోయినా ఏపీ డిప్యూటీ స్పీకర్, కేబినెట్ హోదా దక్కడం విశేషం.