అదే అన్నికంటే పెద్ద పదవి.. పిఠాపురం వర్మ

చంద్రబాబుతో తనది 23 ఏళ్ల ప్రయాణమని.. తనకు న్యాయం చేస్తారన్నారు పిఠాపురం మాజీ ఎమ్మెల్యే వర్మ. పదవి రానంత మాత్రాన బాధపడనని.. కొన్ని సమీకరణాతో పదవి ఇవ్వలేకపోయి ఉండొచ్చన్నారు. చంద్రబాబు ఆశీస్సులు ఎప్పుడూ తనకు ఉంటాయన్నారు. పిఠాపురం ప్రజలకు సేవ చేసే అవకాశం దక్కడం గొప్ప పదవిలా భావిస్తానన్నారు. తనను కలిసిన అనుచరులతో వర్మ మాట్లాడారు.. ఎన్నికలప్పుడు కూటమి నిర్ణయానికి కట్టుబడి తనతో సహా తన భార్య పిల్లలు కష్టపడి పనిచేశామని వర్మ వివరించారు. అయితే వర్మకు అధిష్టానం నుంచి ఫోన్ వచ్చినట్లు తెలుస్తోంది. మొత్తం మీద వర్మ తనకు పదవి దక్కకపోవడంపై స్పందించారు.. తాను పదవి రానందుకు బాధపడటం లేదంటున్నారు.