అధికారుల ఆదేశాలు బేఖాతర్.. మాంసం కోసం మరీ ఇంతలానా.. ఏపీలో అక్కడ ఇదీ పరిస్థితి!

విజయవాడలోని న్యూరాజరాజేశ్వరిపేటలో డయేరియా కేసులు వెలుగు చూసిన సంగతి తెలిసిందే. ఈ నేపథ్యంలో మాంసం వినియోగాన్ని తగ్గించాలని స్థానికులను అధికారులు ఆదేశించారు. అలాగే మాంసం దుకాణాలను కూడా తాత్కాలికంగా మూసివేయాలని విజయవాడ మున్సిపల్ కార్పొరేషన్ అధికారులు ఉత్తర్వులు జారీ చేశారు. అయితే న్యూరాజరాజేశ్వరిపేటలోని ఎక్కువ మంది ఆదివారం రోజున సమీపంలోని ప్రాంతాలకు వెళ్లి మాంసం కొనుగోలు చేసిన పరిస్థితి. ఆదివారం మాంసం తినడం అలవాటు కావటంతో ఆదేశాలు ఉన్న కూడా.. వాటిని పక్కనబెట్టి మాంసం కోసం పొరుగున ఉన్న ప్రాంతాలకు క్యూ కట్టారు.