అమ్మ బాబోయ్.. వీళ్లు లేడీలు కాదు కిలాడీలు.. చీరలోనే సరుకు మొత్తం సర్దేశారుగా..!

చీరలు కొనేందుకు ఐదుగురు మహిళలు కలిసి ఓ దుకాణానికి వచ్చారు. మంచి మంచి చీరలు కావాలని అడిగారు. అందులో ఓ మహిళ మాత్రం అక్కడున్న దుకాణాదారును మాటల్లో పెట్టగా.. మిగితా నలుగురు మహిళలు మాత్రం తమ పని కానిచ్చేశారు. చీరలు చూస్తున్నట్టుగా నటించి.. చీరల కుప్పను చీరలో సర్దేసి.. ఏమీ ఎరుగట్టుగా జారుకున్నారు. అక్కడున్న దుకాణాదారుల కంట పడకుండా జాగ్రత్త పడ్డారు కానీ.. అక్కడే ఉన్న సీసీ కెమెరాల్లో వాళ్ల విజ్ఞాన ప్రదర్శన మొత్తం రికార్డు కాకుండా అడ్డుకోలేకపోయారు.