ఆ 4, 5 చెరువుల్లో మాత్రమే గణేష్ నిమజ్జనాలపై ఆంక్షలు.. హైడ్రా కమిషనర్‌ రంగనాథ్‌ కీలక ప్రకటన

హైదరాబాద్‌లో గణేష్ నిమజ్జనాలపై హైడ్రా ఆంక్షలు విధించిందంటూ సోషల్ మీడియాలో జరుగుతున్న ప్రచారంపై కమిషనర్ ఏవీ రంగనాథ్ స్పష్టత ఇచ్చారు. నగరంలోని అన్ని చెరువుల్లో నిమజ్జనాలను హైడ్రా అడ్డుకోవడం లేదని తెలిపారు. కేంద్ర ప్రభుత్వం ప్రత్యేకంగా గుర్తించిన 4, 5 చెరువుల్లో మాత్రమే పర్యావరణ పరిరక్షణ నిబంధనల కారణంగా పరిమితులు ఉన్నాయని చెప్పారు. అమీన్‌పూర్ చెరువును బయోడైవర్సిటీ ప్రాంతంగా, కాప్రా చెరువును నేచురల్ వెట్‌ల్యాండ్‌గా గుర్తించినందున అక్కడ ప్రత్యేక నిబంధనలు అమల్లో ఉన్నాయని వివరించారు.