ఆ జిల్లా కలెక్టర్ సంచలన నిర్ణయం.. 227 తుపాకీ లైసెన్స్‌ల రద్దు

Gun Licences Cancelled YSR Kadapa: కడప జిల్లాలో సంచలనం రేపుతూ 227 తుపాకీ లైసెన్సులను అధికారులు రద్దు చేశారు. గత వైసీపీ ప్రభుత్వ హయాంలో అక్రమార్కులకు, నేరస్తులకు లైసెన్సులు ఇచ్చారనే ఆరోపణల నేపథ్యంలో ఈ నిర్ణయం తీసుకున్నారు. పలువురు వైసీపీ ముఖ్య నేతలు, కిరాయి రౌడీలు, కబ్జాదారుల లైసెన్సులు రద్దయ్యాయి. వీరిలో 11 మంది కరుడుగట్టిన నేరస్తులు ఉన్నట్లు గుర్తించారు. మరో ముగ్గురు వ్యక్తులు నిబంధనలు ఉల్లంఘించారని తేలింది. జిల్లా ఎస్పీ సూచనల మేరకు కలెక్టర్ ఈ నిర్ణయం తీసుకున్నారు.