ఆ జూనియర్ పంచాయతీ కార్యదర్శి నియామకాలకు గ్రీన్ సిగ్నల్.. ఉత్తర్వులు జారీ..

రాష్ట్రంలో క్రీడల కోటాలో జూనియర్‌ పంచాయతీ కార్యదర్శుల నియామకాలకు ప్రభుత్వం గ్రీన్‌సిగ్నల్‌ ఇచ్చింది. మొత్తం 172 పోస్టుల భర్తీకి అనుమతిస్తూ ఉత్తర్వులు జారీ చేసింది. ఎంపికైన అభ్యర్థుల జాబితాను పంచాయతీ రాజ్‌ శాఖ సంచాలకురాలు సృజన శనివారం విడుదల చేశారు. ఈ నియామకాలు గత అయిదేళ్లుగా నిలిచిపోయి ఉండగా.. న్యాయస్థానం సూచనల మేరకు ప్రభుత్వం చర్యలు చేపట్టింది. జేపీఎస్‌ల నియామకంపై రాష్ట్ర పంచాయతీ కార్యదర్శుల సంఘం అధ్యక్షుడు మధుసూదన్‌రెడ్డి, ప్రధాన కార్యదర్శి శ్రీనివాస్‌లు సంతోషం వ్యక్తం చేస్తూ ప్రభుత్వానికి కృతజ్ఞతలు తెలిపారు.