ఆ డబ్బులు ఖర్చు చేయలేను.. సంక్షేమ పథకాల అమలుపై చంద్రబాబు కీలక వ్యాఖ్యలు

ఏపీలో సంక్షేమ పథకాల అమలుపై ముఖ్యమంత్రి నారా చంద్రబాబు నాయుడు కీలక వ్యాఖ్యలు చేశారు. నీతి ఆయోగ్ నివేదికపై చంద్రబాబు విలేకర్ల సమావేశం నిర్వహించారు. ఈ సందర్భంగా రాష్ట్ర ఆర్థిక పరిస్థితిపై పవర్ పాయింట్ ప్రజెంటేషన్ ఇచ్చారు. ఆంధ్రప్రదేశ్ ఆర్థిక పరిస్థితి బిహార్ రాష్ట్రం కంటే దిగజారిందన్న చంద్రబాబు... సూపర్ సిక్స్ హామీలపై కీలక వ్యాఖ్యలు చేశారు. అలాగే కేంద్రం ఇచ్చిన నిధులను అభివృద్ధి పనులను ఖర్చు చేయాల్సి ఉందన్న చంద్రబాబు.. వాటిని సంక్షేమ పథకాలకు ఖర్చు చేయలేనని చెప్పారు. ఏపీ ఆర్థిక పరిస్థితి కాస్త మెరుగవ్వగానే తల్లికి వందనం, అన్నదాత సుఖీభవ వంటి పథకాలను అమలు చేస్తామని చెప్పారు.