ఆ లేఖ నేనే రాశాను.. సంచలన వ్యాఖ్యలు చేసిన కల్వకుంట్ల కవిత..

బీఆర్‌ఎస్ ఎమ్మెల్సీ కల్వకుంట్ల కవిత అమెరికా నుండి హైదరాబాద్ చేరుకున్నాక.. సంచలనం రేపిన తన లేఖపై స్పందించారు. కేసీఆర్‌కు తాను రెండు వారాల క్రితమే లేఖ రాసినట్లు ఆమె ధ్రువీకరించారు. అయితే అది ఎలా లీక్ అయ్యిందో తెలియదన్నారు. ‘కేసీఆర్ దేవుడు.. ఆయన చుట్టూ దెయ్యాలున్నాయి’ అంటూ చేసిన వ్యాఖ్యలు బీఆర్‌ఎస్ అంతర్గత పరిస్థితులపై చర్చకు దారితీశాయి. కేసీఆర్ నాయకత్వంలోనే పనిచేస్తానని, వ్యక్తిగత ఎజెండా లేదని కవిత స్పష్టం చేశారు. ఈ లేఖ లీక్ కావడంతో బీఆర్‌ఎస్ లోపల అసంతృప్తి ఉందని రాజకీయ వర్గాల్లో ప్రచారం జరుగుతోంది.