ఆటోవాలాలకు శుభవార్త చెప్పిన మంత్రి పొన్నం.. 65,000 కుటుంబాలకు లబ్ధి..

హైదరాబాద్ ఓఆర్‌ఆర్‌ పరిధిలో కొత్త ఆటోలకు పరిమిత అనుమతులు వస్తున్నాయి. రవాణాశాఖ జీవో 263 ద్వారా ఎలక్ట్రిక్, సీఎన్‌జీ, ఎల్‌పీజీ వాహనాలకు ప్రాధాన్యత. 20,000 విద్యుత్ ఆటోలు, చెరో 10,000 ఎల్‌పీజీ, సీఎన్‌జీ వాహనాలకు అవకాశం. 25,000 డీజిల్, పెట్రోల్ ఆటోలు రెట్రోఫిట్‌మెంట్ చేయవచ్చు. మంత్రి పొన్నం వెల్లడించిన వివరాల ప్రకారం, ఈ చర్యల వల్ల 65,000 గృహాలకు ఉపాధి దొరుకుతుంది. ఇది కాలుష్య రహిత, సుస్థిర రవాణాకు దోహదపడుతుంది.