ఆర్టీసీ ఉద్యోగులకు తీపికబురు చెప్పిన ఏపీ ప్రభుత్వం.. జీవో జారీ

ఆర్టీసీ ఉద్యోగులకు ఏపీ సర్కారు తీపికబురు వినిపించింది. ఏపీఎస్ఆర్టీసీ ఉద్యోగుల నైటౌట్ అలవెన్సులపై కీలక నిర్ణయం తీసుకుంది. రోజుకు రూ.150 చొప్పున నైటౌట్ అలవెన్సులు మంజూరు చేస్తూ జీవో జారీ చేసింది. ఈ నేపథ్యంలో ఆంధ్రప్రదేశ్ ప్రభుత్వానికి ఆర్టీసీ ఉద్యోగ సంఘాలు, కార్మిక నేతలు, ఉద్యోగులు ధన్యవాదాలు తెలియజేశారు. అలాగే తమకు రావాల్సిన అరియర్స్ సమస్యను కూడా పరిష్కరించి.. మంజూరు చేయాలని కోరుతున్నారు. దీనిపైనా ఏపీ ప్రభుత్వం ఆలోచిస్తున్నట్లు సమాచారం.