ఇంటర్ విద్యార్థులకు తీపికబురు.. ఏపీ కేబినెట్ కీలక నిర్ణయం.. 1.40 లక్షల మందికి లబ్ధి

రాష్ట్రంలోని ఇంటర్ విద్యార్థులకు లబ్ధి చేకూర్చేలా ఆంధ్రప్రదేశ్ ప్రభుత్వం కీలక నిర్ణయం తీసుకుంది. సచివాలయం వేదికగా సీఎం నారా చంద్రబాబు నాయుడు అధ్యక్షతన జరిగిన మంత్రివర్గ సమావేశంలో ఈ మేరకు నిర్ణయం తీసుకున్నారు. ఏపీలోని ప్రభుత్వ జూనియర్ కళాశాలలు, కేజీబీవీల్లో ఇంటర్ చదివే విద్యార్థులకు మధ్యాహ్న భోజనం పథకం అమలు చేయనున్నారు. దీని ద్వారా లక్షా 40 వేల మంది ఇంటర్మీడియట్ విద్యార్థులకు ప్రయోజనం కలగనుంది. 2014 -19 మధ్య అప్పటి టీడీపీ సర్కారు ఈ పథకాన్ని అమలు చేసింది.