ఇంటికే వచ్చి పాత పరుపులు, సోఫాలు తీసుకెళ్తారు.. ఉచిత రవాణా వ్యవస్థకు GHMC శ్రీకారం

హైదరాబాద్ నగరంలోని వరద, మురుగు నీటి నాలాలు పాత పరుపులు, సోఫాలు, దిండ్లు వంటి గృహోపకరణ వ్యర్థాలతో పూడిపోకుండా జీహెచ్‌ఎంసీ ఒక వినూత్న కార్యక్రమాన్ని ప్రారంభించింది. వ్యర్థాల నిర్వహణలో భాగంగా ఇంటి నుంచే పాత వస్తువులను, ఈ-వేస్ట్‌ను సేకరించేందుకు ఉచిత రవాణా సదుపాయాన్ని అందుబాటులోకి తెచ్చింది. గ్రేటర్ పరిధిలోని ఆరు జోన్లలోని ప్రజలు జీహెచ్‌ఎంసీ క్యూఆర్ కోడ్‌ను స్కాన్ చేసి ఆన్‌లైన్ లింక్ ద్వారా తమ ఇంటి లొకేషన్‌ను షేర్ చేయటం ద్వారా ఈ ఉచిత వాహన సేవలను సులభంగా బుక్ చేసుకోవచ్చు.