ఇండియా-పాక్ ఉద్రిక్తతలు.. హైదరాబాద్‌లో భారీ పేలుళ్లకు కుట్ర.. ఇద్దరు అరెస్ట్

హైదరాబాద్‌లో పేలుళ్లకు కుట్ర పన్నిన ఇద్దరిని తెలంగాణ పోలీసులు అరెస్టు చేశారు. విజయనగరానికి చెందిన సిరాజ్, హైదరాబాద్‌కు చెందిన సమీర్ నుంచి పేలుడు పదార్థాలు స్వాధీనం చేసుకున్నారు. గతంలో ఉగ్రదాడులు జరిగిన నేపథ్యంలో ఈ కుట్రను పోలీసులు తీవ్రంగా దర్యాప్తు చేస్తున్నారు. ప్రజలు ఆందోళన చెందవద్దని, అనుమానాస్పద వ్యక్తుల సమాచారం ఇవ్వాలని పోలీసులు కోరారు.