ఇందిరమ్మ బీమా వచ్చే వరకు రైతుబీమా కొనసాగింపు.. ప్రభుత్వం ముందుకు వ్యవసాయశాఖ ప్రతిపాదనలు

ఇందిరమ్మ కుటుంబ బీమా పథకం అమల్లోకి వచ్చే వరకు రైతుబీమా పథకాన్ని కొనసాగించాలని వ్యవసాయశాఖ ప్రభుత్వాన్ని కోరింది. 18 నుంచి 59 ఏళ్ల రైతులు మరణిస్తే ఆయా కుటుంబాలకు రూ.5 లక్షలు అందించే రైతుబీమా గత నెల 13తో నిలిచిపోయింది. 2026-27కు ప్రీమియం చెల్లించకపోవడంతో ఆ తర్వాత మరణించిన రైతుల కుటుంబాలకు సాయం అందడం లేదు. ఈ సమస్యపై రైతు కుటుంబాల వినతుల నేపథ్యంలో మంత్రి తుమ్మల నాగేశ్వరరావు అధికారులతో సమావేశమయ్యారు. ఆయన సూచనల మేరకు వ్యవసాయశాఖ ప్రతిపాదనలు సీఎం కార్యాలయం, ఆర్థికశాఖకు పంపింది.