ఇలాంటివాళ్లను ఆదుకోలేమా.. పేద కుటుంబాన్ని చూసి చలించిన ఎమ్మెల్యే సోమిరెడ్డి

టీడీపీ ఎమ్మెల్యే, మాజీ మంత్రి సోమిరెడ్డి చంద్రమోహన్ రెడ్డి ఎమోషనల్ అయ్యారు. రోడ్డుపై వెళ్తున్న సమయంలో ఆయనకు చిత్తుకాగితాలు ఏరుకునే నిరుపేద కుటుంబం కనిపించింది. వెంటనే వారి దగ్గరకు వెళ్లిన సోమిరెడ్డి.. ఆ చిన్నారులకు, చాక్లెట్లు, బిస్కట్లు అందించారు. తన వద్దనున్న నగదును సాయంగా అందించి యోగక్షేమాలు కనుక్కున్నారు. అనంతరం పిల్లలను స్కూలుకు పంపించాలని తల్లిదండ్రులకు సూచించారు. ఈ వీడియోను సోషల్ మీడియాలో షేర్ చేసిన సోమిరెడ్డి.. ప్రపంచం అభివృద్ధి చెందుతున్నా ఇలాంటి వారు ఇంకా ఉండటం దురదృష్టకరం అంటూ ఎమోషనల్ అయ్యారు.