ఈ చిన్నారుల వ్యాధి చికిత్సకు రూ.32 కోట్లు కావాలా.. పాపం, ఎంత కష్టమొచ్చింది?

ఒకరి వయసు ఏడేళ్లు, ఇంకొక చిన్నారి వయసు నాలుగేళ్లు.. ఇద్దరు పిల్లలు తమ వయసులో ఉరుకులు పరుకులు పెడుతూ ఎంతో అల్లరి చేస్తూంటారు. కానీ ఈ ఇద్దరు చిన్నారు మాత్రం ఎంతో పెద్ద కష్టాన్ని మోస్తున్నారు. అరుదైన వ్యాధితో ఇబ్బంది పడుతున్నారు. లక్షల విలువైన ఇంజెక్షన్లు, సిరప్‌లతో కాలం నెట్టుకొస్తున్నారు. వారికి సోకిన వ్యాధి పూర్తిగా నయమవ్వాలంటే.. రూ.32 కోట్ల కావాలని వైద్యులు చెప్తే.. కలలో కూడా అంత డబ్బు గురించి ఆలోచించని ఆ భార్యాభర్తలు.. పిల్లలను ఎలా కాపాడుకోవాలో దిక్కుతోచని స్థితిలో దాతల సాయం కోసం దీనంగా ఎదురుచూస్తున్నారు.