ఈ తాత మామూలోడు కాదు.. 72 ఏళ్ల వయస్సులో సాహసం.. 5642 మీటర్ల మంచు శిఖరం అధిరోహణ!

ఆంధ్రప్రదేశ్‌లోని విజయవాడకు చెందిన లింగం రవీంద్రరావు 72 సంవత్సరాల వయస్సులో యూరప్‌లోనే అత్యంత ఎత్తయిన మౌంట్ ఎల్‌బ్రస్ వెస్ట్ పీక్ శిఖరాన్ని అధిరోహించారు. ఆగస్టు 14వ తేదీ 5642 మీటర్ల ఎత్తులో ఉండే ఆ శిఖరాన్ని ఆయన తన 17 ఏళ్ల మనవడు పోకూరి అనురాగ్‌తో కలిసి అధిరోహించారు. 72 ఏళ్ల వయస్సులో ఆయన చేసిన ఈ సాహస యాత్రకు అందరూ ఆశ్చర్యానికి గురయ్యారు. ఏడు పదుల వయస్సు దాటిన తర్వాత కూడా మంచు శిఖరం అధిరోహించేంత ఆరోగ్యం ఉండటంతో నెటిజన్లు ఆశ్చర్యానికి గురవుతున్నారు.