ఉద్యోగులు, విద్యార్థులకు సూపర్ న్యూస్.. ఏపీ ప్రభుత్వం సంక్రాంతి కానుక..

AP CM Chandrababu Review on Finance ministry: సంక్రాంతి పండుగ వేళ ఏపీ ప్రభుత్వం వివిధ వర్గాలకు సూపర్ న్యూస్ చెప్పింది. రాష్ట్రంలోని విద్యార్థులు, ఉద్యోగులు, పోలీసులు, రైతులు, కాంట్రాక్టర్లు ఇలా అన్ని వర్గాలకు పండుగ వేళ శుభవార్త వినిపించింది. శనివారం ఆర్థిక శాఖపై సీఎం నారా చంద్రబాబు నాయుడు సమీక్షా సమావేశం నిర్వహించారు. ఈ సమావేశంలో రాష్ట్ర ఆర్థిక పరిస్థితితో పాటుగా వివిధ వర్గాలకు చెల్లించాల్సిన పెండింగ్ బకాయిలపైనా చర్చించారు. అనంతరం రూ.6700 కోట్ల పెండింగ్ బిల్లులు, నిధుల విడుదలకు ఏపీ సీఎం నారా చంద్రబాబు నాయుడు ఆమోదం తెలిపారు.