ఉన్న చోట ఉండకపాయే.. యాదాద్రి ఆలయంలో గ్రిల్స్ మధ్య ఇరుక్కున్న చిన్నారి తల

యాదగిరిగుట్టపై ఓ బాలునికి ప్రమాదం తప్పింది. దర్శనం కోసం క్యూలైన్‌లో వేచి చూస్తుండగా బాలుని తల గ్రిల్స్ మధ్యలో ఇరుక్కుపోయింది. గమనించిన తోటి భక్తులు చిన్నారిని రక్షించారు. హైదరాబాద్ బోడుప్పల్‌ ప్రాంతానికి చెందిన ఓ కుటుంబం ఇవాళ ఉదయం స్వామి వారి దర్శనం కోసం రూ.150 టికెట్ ప్రవేశ క్యూలైన్‌లో వేచి ఉన్నారు. ఈ క్రమంలో దయాకర్ అనే చిన్నారి ఆడుకుంటూ.. తలను గ్రిల్స్ మధ్యలో పెట్టాడు. దీంతో బాలుడి కుటుంబసభ్యులు ఆందోళనకు గురయ్యారు. వెంటనే గమనించిన తోటి భక్తులు చిన్నారి తలను జాగ్రత్తగా బయటకు తీశారు. బాలుడికి ప్రమాదం తప్పడంతో అంతా ఊపిరి పీల్చుకున్నారు.