ఉపాధి హామీ కూలీలకు కేంద్రం బ్యాడ్‌న్యూస్.. ఇందిరమ్మ ఆత్మీయ భరోసా పథకానికీ ఇబ్బందే..!

జాతీయ గ్రామీణ ఉపాధి హామీ పథకం కింద తెలంగాణకు కేంద్రం ఈసారి పనిదినాల కేటాయింపులో భారీగా కోత విధించింది. రాష్ట్రం 12 కోట్ల పనిదినాలు కోరగా, గత ఏడాది ఇచ్చిన 8 కోట్ల నుండి 6.5 కోట్లకు కుదించింది. అవసరాల మేరకే పనులు చేపట్టాలని కేంద్రం రాష్ట్రానికి స్పష్టం చేసింది. కేంద్రం నిర్ణయంతో ఇందిరమ్మ ఆత్మీయ భరోసా పథకానికీ ఇబ్బందులు తప్పేలా లేవు.