ఎకరం రూ.269 కోట్లు.. రాయదుర్గం భూములకు మరోసారి రికార్డు ధర.. ఖజానాకు రూ.1,447 కోట్ల ఆదాయం

హైదరాబాద్‌ ఐటీ కారిడార్‌లో భూముల ధరలు మరోసారి రికార్డు స్థాయికి చేరుకున్నాయి. రాయదుర్గంలో 5.38 ఎకరాల ప్రభుత్వ భూమికి టీజీఐఐసీ నిర్వహించిన వేలంలో ఎకరానికి రూ.269 కోట్ల ధర పలికింది. వంశీరాం బిల్డర్స్‌ అత్యధిక బిడ్‌తో ఈ భూమిని దక్కించుకుంది. దీంతో మొత్తం 5.38 ఎకరాల వేలం ద్వారా ప్రభుత్వానికి సుమారు రూ.1,447 కోట్ల ఆదాయం సమకూరింది. వారం రోజుల క్రితం ఇదే ప్రాంతంలో ఎకరం రూ.264 కోట్లకు విక్రయమై రికార్డు సృష్టించగా.. తాజా వేలం ఆ రికార్డును బద్దలు కొట్టింది.