ఎగుమతుల్లో ఏపీ రికార్డ్.. రూ.1.76 లక్షల కోట్లతో సత్తా చాటిన రాష్ట్రం.. టాప్‌ లేపిన విశాఖ

విదేశాలకు ఉత్పత్తుల ఎగుమతుల్లో ఆంధ్రప్రదేశ్ సత్తా చాటుకుంది. 2025-26 సంవత్సరంలో ఆంధ్రప్రదేశ్ నుంచి వివిధ దేశాలకు అత్యధికంగా సరుకులు ఎగుమతి అయ్యాయి. రూ.1,76,503.37 కోట్ల విలువైన వివిధ రకాల ఉత్పత్తులను విదేశాలకు పంపింది. దీనిపై డైరెక్టరేట్ జనరల్ ఆఫ్ కామర్స్ ఇంటెలిజెన్స్ గణాంకాలను రిలీజ్ చేసింది. ఆ లెక్కల ప్రకారం ఎగుమతుల్లో విశాఖపట్నం టాప్‌లో నిలిచింది. తూర్పుగోదావరి, చిత్తూరు, గుంటూరు తర్వాత స్థానాల్లో ఉన్నాయి. అలాగే రాష్ట్రం నుంచి ఎక్కువగా ఎగుమతైన దేశాల్లో అమెరికా మొదటి స్థానంలో ఉంది. రాష్ట్రం నుంచి అత్యధికంగా మెరైన్ విదేశాలకు ఎక్స్‌పోర్ట్ అయింది.