ఏపీలో 7 జిల్లాలు మినహా మిగతా అన్ని జిల్లాల్లో లోటు వర్షపాతం.. ఆ జిల్లాలో తీవ్ర లోటు..!

ఈ ఏడాది రాష్ట్రంలో వర్షపాతం వివరాలను ఏపీ స్టేట్ డిజాస్టర్ మేనేజ్‌మెంట్ అథారిటీ వెల్లడించింది. ఆ డేటా ప్రకారం ఏపీలో కేవలం 383.6 మిల్లీమీటర్లు మాత్రమే నమోదైంది. రాష్ట్ర వ్యాప్తంగా చూసుకుంటే ఏకంగా 34.9 శాతం లోటు వర్షపాతం రికార్డైంది. మొత్తం 28 జిల్లాల గణాంకాలను పరిశీలిస్తే కేవలం ఒక ఏడు జిల్లాల్లో మాత్రమే పరిస్థితి కాస్త బెటర్‌గా ఉంది. విశాఖపట్నం, విజయనగరం, శ్రీకాకుళం, అల్లూరి సీతారామరాజు , కాకినాడ కృష్ణా, గుంటూరు జిల్లాలో కాస్తా మంచి వర్షపాతం నమోదైంది. ఇక అన్నమయ్య జిల్లా సాధారణ వర్షపాతం 403.4 మిల్లి మీటర్లు ఉండగా, కేవలం 151.6 మిల్లి మీటర్లు మాత్రమే నమోదైంది.