ఎట్టకేలకు ఆ ఊరికి బస్సు సర్వీస్ ప్రారంభం.. ఏళ్ల కల నెరవేరిన వేళ..

యాదాద్రి భువనగిరి జిల్లాలోని రాజపేట నుంచి ఆలేరుకు నూతన బస్సు సేవ ప్రారంభమైంది. ప్రభుత్వ విప్, ఆలేరు ఎమ్మెల్యే బీర్ల ఐలయ్య ప్రజా విజ్ఞప్తి మేరకు ఈ సేవను మంజూరు చేయించారు. ఈ బస్సు ఉదయం 7 గంటలకు రాజపేట నుంచి బయలుదేరి, కొలనుపాక గ్రామాల మీదుగా ఆలేరుకు చేరుతుంది. తిరిగి ఉదయం 10 గంటలకు , సాయంత్రం 5:30 గంటలకు సర్వీసులు అందుబాటులో ఉంటాయి. ఈ సౌకర్యం విద్యార్థులకు, స్థానిక ప్రజలకు ప్రయాణాన్ని సులభతరం చేస్తుందని అధికారులు తెలిపారు.