ఎమ్మెల్యేగా తొలి జీతం రూ.1.75 లక్షలు.. ప్రతి రూపాయి ఎలా ఖర్చుచేస్తానో చెప్పిన టీడీపీ నేత

గుంటూరు వెస్ట్ ఎమ్మెల్యే గల్లా మాధవి తన మొదటి నెల జీతాన్ని నియోజకవర్గ ప్రజలకే కేటాయించి శెభాష్ అనిపించుకుంటున్నారు. ఎమ్మెల్యేగా రూ.1.75 లక్షలు జీతం అందుకున్న మాధవి.. అందులో ప్రతి రూపాయి ఎలా ఖర్చు చేస్తాననే దానిని వివరించారు. మొత్తం జీతాన్ని ప్రజాసేవకే వినియోగిస్తానని ప్రకటించారు. ఇందులో టీటీడీకి విరాళం దగ్గర నుంచి అన్న క్యాంటీన్ల నిర్వహణకు విరాళం, దుప్పట్ల పంపిణీ ఇలాంటి సామాజిక సేవా కార్యక్రమాలు నిర్వహిస్తానని ప్రకటించారు. దీంతో గల్లా మాధవి మీద ప్రశంసలు కురుస్తున్నాయి.