ఎస్సీ వర్గీకరణపై జగన్ స్టాండ్ ఏంటో చెప్పాలి.. మందకృష్ణ మాదిగ

ఆంధ్రప్రదేశ్‌ ముఖ్యమంత్రిగా జగన్‌ ఉంటే, ఎస్సీ వర్గీకరణ ఎప్పటికీ సాధ్యమయ్యేది కాదు అన్నారు మందకృష్ణ మాదిగ. మాదిగల సమస్యలపై మాట్లాడేందుకు గత ఐదేళ్లలో జగన్‌ ఒక్కసారి కూడా ప్రయత్నం చేయలేదన్నారు. అలాంటప్పుడు జగన్‌ వల్ల ప్రయోజనమేంటన్నది ఆ పార్టీలోని మాదిగ సామాజికవర్గ నేతలు ఆలోచించాలి అన్నారు. ఏపీ అసెంబ్లీలో ఎస్సీ వర్గీకరణపై ఏకగ్రీవ తీర్మానం చేయడం చారిత్రక విజయమన్నారు. గత ప్రభుత్వ హయాంలో జగన్ కనీసం వినతిపత్రం ఇచ్చేందుకు అనుమతి ఇవ్వలేదన్నారు. ఈ క్రమంలో ఎస్సీ వర్గీకరణ పై తమ అభిప్రాయాన్ని వైసీపీ ఇంకా చెప్పలేదు. ఎస్సీ వర్గీకరణ పై జగన్ వైఖరేంటో స్పష్టం చేయాలని అన్నారు. దళితుల మధ్య చిచ్చు పెట్టాలని చూస్తున్నారా? అని ప్రశ్నించారు. సురేష్ ద్వారా జగన్ తన అభిప్రాయం చెప్పించారా అనే సందేహం వస్తోందని మందకృష్ణ మాదిగ అన్నారు.