ఎస్సైల కారులో గంజాయి.. "హే రామ్.. రాష్ట్రం ఎంత దిగజారిపోయింది" అన్న వైఎస్ జగన్

అద్దంకి మండలం శంఖవరప్పాడు వద్ద పోలీసులు ప్రయాణిస్తున్న కారు యాక్సిడెంట్‌కి గురవ్వడం, అందులో గంజాయి, మద్యం బాటిళ్లు లభ్యం కావడం తీవ్ర కలకలం సృష్టించింది. రాష్ట్ర వ్యాప్తంగా సంచలనంగా మారిన ఈ ఘటనపై మాజీ ముఖ్యమంత్రి వైఎస్ జగన్‌మోహన్ రెడ్డి నేరుగా స్పందించారు. ముఖ్యమంత్రి చంద్రబాబు నాయుడిని ఎక్స్‌లో ట్యాగ్ చేసి రాష్ట్రాన్ని ఎటువైపు తీసుకెళ్తున్నారంటూ ప్రశ్నించారు. నిష్పక్షపాతంగా విచారణ చేయించి నిందితులను శిక్షించాలని కోరారు. అయితే, ఈ ఘటనలో ఎస్సైలు గంజాయి తరలించలేదని.. మద్యం తాగి కారు నడపలేదని ప్రకాశం జిల్లా ఎస్పీ స్పష్టం చేశారు.