ఏటీఎంలో డబ్బు తీయడానికి వెళ్తున్నారా.. ఇలాంటి తప్పులు అస్సలు చేయొద్దు

ఏటీఎం సెంటర్ వద్దకు డబ్బులు డ్రా చేయడానికి వచ్చిన వ్యక్తిని ఏమార్చి డబ్బులు కాజేసిన కేటుగాడి వ్యవహారం అనంతపురం జిల్లా ఉరవకొండలో చోటుచేసుకుంది. ఉరవకొండలోని కెనరా బ్యాంక్ ఏటీఎం వద్దకు ఓ వ్యక్తి డబ్బులు డ్రా చేయడానికి వచ్చాడు. అయితే కార్డును ఉపయోగించి డబ్బులు తీయడం ఎలాగో తెలియని ఆ వ్యక్తి పక్కనున్న వ్యక్తిని సాయం కోరాడు. ఇక సాయం చేస్తున్నట్లు నటించిన ఆ వ్యక్తి.. కస్టమర్ కళ్లముందే ఏటీఎం కార్డు కాజేశాడు. ఆ తర్వాత ఆ కార్డుతో రూ.75 వేలు డ్రా చేశాడు. అయితే మోసపోయిన విషయాన్ని ఆ తర్వాత తెలుసుకున్న బాధితుడు పోలీసులకు ఫిర్యాదు చేశాడు.