ఏపీ కేబినెట్ భేటీలో ఇంట్రెస్టింగ్ సీన్.. మంత్రులకు పేపర్లు పంచిన నారా లోకేష్.. ఏముందంటే?

ఏపీ కేబినెట్ భేటీ ఇవాళ జరిగింది. అయితే మంత్రివర్గ సమావేశానికి ముందు ఇంట్రెస్టింగ్ సీన్ కనిపించింది. మంత్రి నారా లోకేష్ తన సహచర మంత్రులకు పేపర్లు అందజేస్తూ కనిపించారు. ప్రజాదర్బార్ కార్యక్రమంలో తనకు వచ్చిన వినతులను ఆయా శాఖల మంత్రులకు అందించిన నారా లోకేష్.. వీలైనంత త్వరగా వాటిని పరిష్కరించాలని కోరారు. ఇదే విషయాన్ని మంత్రివర్గ సమావేశంలోనూ ఆయన చర్చించినట్లు తెలిసింది. మరోవైపు వరదల కారణంగా ఆగిపోయిన నారా లోకేష్ ప్రజాదర్బార్ కార్యక్రమం సోమవారం నుంచి మళ్లీ ప్రారంభమైంది.