ఏపీ నుంచి మరో కొత్త వందేభారత్ రైలు.. ఈ రూట్‌లోనే, అమరావతి కనెక్ట్ అయ్యేలా!

Vijayawada Bangalore Vande Bharat Express: ఆంధ్రప్రదేశ్‌లో రైలు ప్ర‌యాణికుల‌కు తీపికబురు. మ‌రో వందేభార‌త్ రైలు త్వరలో పట్టాలెక్కనుంది. రాజధాని ప్రాంతం నుంచి రాయలసీమ కనెక్టివిటీని పెంచే పనిలో ఉన్నారు. ఈమేరకు విజ‌య‌వాడ- బెంగ‌ళూరు మ‌ధ్య వయా అనంతపురం కొత్త వందేభార‌త్ రైలును నడపాలనే ప్రతిపాదనలువచ్చాయి. ఈ సర్వీసును త్వ‌ర‌లోనే ప్రారంభించేందుకు ప్రయత్నాలు జ‌రుగుతున్నట్లు తెలుస్తోంది. త్వరలోనే అధికారిక ప్రకటన వస్తుంది అంటున్నారు. రాయ‌ల‌సీమలో ఉమ్మ‌డి క‌ర్నూలు, అనంత‌పురం జిల్లాల‌తో పాటు ఉమ్మ‌డి గుంటూరు జిల్లా ప్ర‌జ‌ల ప్ర‌యాణాల‌కు ప్రయాణం సౌకర్యంగా ఉంటుందంటున్నారు.