ఏపీ ప్రజలకు వాతావరణశాఖ అలర్ట్.. ఈ జిల్లాల్లో వర్షాలు

Ap Weather Today: ఏపీలో వానలు పడుతున్నాయి.. ఇవాళ ఉత్తరాంధ్ర, కోస్తా, రాయలసీమలోని జిల్లాలను వాతావరణశాఖ అలర్ట్ చేసింది. తేలికపాటి నుంచి మోస్తరు వర్షాలు కురుస్తాయని అంచనా వేస్తున్నారు. శ్రీశైలంలో భారీ వర్షం పడింది.. దీంతో రోడ్లపై నీళ్లు నిలిచిపోవడంతో భక్తులు, స్థానికులు ఇబ్బందిపడ్డారు. శ్రీశైలం - హైదరాబాద్‌ రహదారిపై వర్షం దెబ్బకు బండరాళ్లు విరిగిపడ్డాయి. వెంటనే స్పందించిన పోలీసులు, అధికారులు బండరాళ్లను క్లియర్ చేయడంతో వాహనాల రాకపోకలు సాఫీగా జరిగాయి.