ఏపీ మంత్రికి షాక్.. ఆయనకు తెలియకుండానే వైసీపీ హయాంలో పాత బిల్లులు క్లియరెన్స్

Payyavula Keshav On Ysrcp Govt Pending Bills Clearance: ఆంధ్రప్రదేశ్ ఆర్థికమంత్రికి తెలియకుండానే గత ప్రభుత్వంలో జరిగిన బిల్లుల చెల్లింపు జరిగింది. ఈ విషయం తెలియడంతో ఆర్థికశాఖ మంత్రి పయ్యావుల కేశవ్ సీరియస్‌గా స్పందించారు. ఆ బిల్లుల చెల్లింపు గురించి ఆరా తీశారు. తనకు తెలియకుండా నిధులు ఎలా విడుదల చేస్తారని ప్రశ్నించిన ఆయన.. అధికారుల నుంచి ఓ నివేదికను కోరారు. ఈ బిల్లుల్ని యూసీల పేరుతో చెల్లించినట్లు తేలింది. బిల్లుల చెల్లింపు అంశంపై అధికారులు నివేదిక సిద్దం చేస్తున్నారు.. ఆ నివేదికను ముఖ్యమంత్రి చంద్రబాబుకు ఆర్థికమంత్రి పయ్యావుల కేశవ్ అందజేస్తారు.