ఏపీ హైకోర్టులో బిగ్‌బాస్ షో వ్యవహారం.. ధర్మాసనం ఏం చెప్పిందంటే!

AP High Court Reserves Verdict On Bigg Boss Show: ఏపీ హైకోర్టులో బిగ్‌బాస్ రియాలిటీ షోను నిలిపివేయాలన్న పిల్‌పై విచారణ జరిగింది. సామాజిక కార్యకర్త, సినీ నిర్మాత కేతిరెడ్డి జగదీశ్వర్‌రెడ్డి ఈ పిల్‌ దాఖలు చేశారు. బుధవారం ఈ పిల్‌పై ఇరు పక్షాల తరఫున లాయర్ల వాదనలు పూర్తికాగా.. తీర్పును రిజర్వ్‌ చేస్తున్నట్లు ప్రధాన న్యాయమూర్తి జస్టిస్‌ ధీరజ్‌సింగ్‌ ఠాకూర్‌, జస్టిస్‌ చీమలపాటి రవితో కూడిన ధర్మాసనం ప్రకటించింది.