ఏపీకి మరో అంతర్జాతీయ సంస్థ.. విశాఖ మెడ్‌టెక్ జోన్‌లో కార్యాలయం ప్రారంభం

ఆంధ్రప్రదేశ్‌లో మెడ్ టెక్ రంగం అభివృద్ధి దిశగా మరో అడుగు పడింది. విశాఖపట్నంలోని మెడ్‌టెక్ జోన్‍‌లో ఏఎస్ఎమ్ ఇంటర్నేషనల్ సంస్థ కార్యాలయాన్ని ప్రారంభించింది. ఏఎస్ఎమ్ ఇంటర్నేషనల్ మాజీ అధ్యక్షుడు ప్రదీ గోయెల్ శుక్రవారం ఈ కార్యాలయాన్ని ప్రారంభించారు. ఏఎస్ఎమ్ ఇంటర్నేషనల్ వైజాగ్ చాప్టర్ అందుబాటులోకి రావటంతో ఆంధ్రప్రదేశ్‌లో మెటీరియల్ సైన్స్, ఇంజనీరింగ్ రంగాలకు ప్రోత్సాహం లభిస్తుందని వ్యాపార వర్గాలు భావిస్తున్నాయి. ఏఎస్ఎమ్ ఇంటర్నేషనల్ సంస్థను 1913లో అమెరికాలో ఏర్పాటు చేశారు.