ఏపీకి మరో గొప్ప అవకాశం.. అదే జరిగితే దేశంలోనే తొలి రాజధాని అమరావతే!

AP Capital Amaravati To Become first Piped gas City: ఏపీ రాజధాని అమరావతిని పైప్డ్ గ్యాస్ నగరంగా తీర్చిదిద్దేందుకు ఇండియన్ ఆయిల్ కార్పొరేషన్ ముందుకు వచ్చింది. భూగర్భంలో పైప్ లైన్లు ఏర్పాటుచేసి గ్యాస్ సరఫరా చేస్తామని ప్రతిపాదనలు ప్రభుత్వం ముందు ఉంచింది. ఏపీ ప్రభుత్వ ప్రధాన కార్యదర్శి నీరభ్ కుమార్ ప్రసాద్‌తో ఐవోసీ ప్రతినిధులు మంగళవారం భేటీ అయ్యారు. ఈ సందర్భంగా తమ ప్రతిపాదనలు ఆయన ముందు ఉంచగా.. సీఎస్ అంగీకరించారు. ప్రభుత్వం తరుఫున పూర్తి సహకారం అందిస్తామని హామీ ఇచ్చారు.