ఏపీకి మరో వందేభారత్ రైలు.! ఆ ప్రతిపాదన ఓకే అయితే వారికి పండగే..

ఆంధ్రప్రదేశ్‌లోని రైలు ప్రయాణికులకు త్వరలోనే మరో గుడ్ న్యూస్ వినిపించే అవకాశాలు కనిపిస్తున్నాయి. రాష్ట్రం మీదుగా ఇప్పటికే పలు వందేభారత్ ఎక్స్‌ప్రెస్ రైళ్లు నడుస్తున్నాయి. అయితే త్వరలోనే మరో వందేభారత్ రైలు కూడా వచ్చే అవకాశం ఉంది. ఈ మేరకు ఏపీ డిప్యూటీ స్పీకర్ రఘురామకృష్ణరాజు పేర్కొన్నారు. చెన్నై విజయవాడ వందేభారత్ రైలును నరసాపురం వరకూ పొడిగించినందుకు ధన్యవాదాలు తెలిపిన రఘురామ.. హైదరాబాద్ నుంచి నరసాపురం వరకూ మరో వందేభారత్ రైలు నడిచేలా కృషి చేస్తామన్నారు.