ఏపీని వరుసగా మూడో రోజు వణికించిన భూకంపం.. కారణం ఇదేనని చెబుతున్నారు!

Prakasam District Earthquake On Monday: ఏపీలో మరోసారి భూ ప్రకంపనలు చోటుచేసుకున్నాయి. ప్రకాశం జిల్లాలో ఇవాళ మరోసారి భూమి కంపించడంతో ప్రజలు భయాందోళనలకు గురయ్యారు. భయంతో ఇళ్ల నుంచి బయటకు పరుగులు తీశారు. ముండ్లమూరు మండలంలో ఉదయం 10:30 గంటల సమయంలో స్వల్ప ప్రకంపనలు సంభివించాయి. గత మూడేళ్ల కాలంలో ఇక్కడ వరుసగా భూ ప్రకంపనలు వస్తున్నాయి. ఇప్పుడు మాత్రం వరుసగా మూడు రోజుల నుంచి ప్రకంపనలతో జనాలు భయాందోళనలో ఉన్నారు.