ఏపీలో 22 హోటల్స్, రిసార్టులు లీజుకు టెండర్లు.. చాలా తక్కువ ధరకే, ఏకంగా 33 ఏళ్లు లీజు

APTDC Hotels Resorts Lease Tenders: పర్యాటకాభివృద్ధికి సంబంధించి ఆంధ్రప్రదేశ్ ప్రభుత్వం కీలక నిర్ణయం తీసుకుంది. రాష్ట్రంలోని 22 ఏపీటీడీసీ హోటళ్లు, రిసార్ట్‌లను 33 ఏళ్ల పాటు లీజుకు ఇవ్వాలని నిర్ణయించింది. ఆరు క్లస్టర్లుగా విభజించి టెండర్ల ద్వారా ప్రైవేట్ సంస్థలకు అప్పగించనున్నారు. పర్యాటకులకు మెరుగైన వసతులు కల్పించాలనే లక్ష్యంతో ఈ నిర్ణయం తీసుకుంది ప్రభుత్వం. అలాగే ప్రస్తుతం అక్కడ పనిచేస్తున్న సిబ్బందికి ఉద్యోగాలు పోకుండా ప్రభుత్వం తగిన చర్యలు తీసుకుంది.