ఏపీలో 60 ఏళ్లు నిండిన పురుషులు, 58 ఏళ్లు నిండిన మహిళలకు అవకాశం.. పది నిమిషాల్లోనే జారీ..

ఏపీలోని కూటమి ప్రభుత్వం వయోవృద్ధుల కోసం సీనియర్ సిటిజన్ కార్డులను డిజిటల్ రూపంలో గ్రామ, వార్డు సచివాలయాల ద్వారా అందిస్తోంది. 60 ఏళ్లు నిండిన పురుషులు, 58 ఏళ్లు నిండిన మహిళలు ఈ కార్డు పొందడానికి అర్హులు. కార్డుపై బ్లడ్ గ్రూప్, అత్యవసర సంప్రదింపు నంబర్లు ఉంటాయి. పాస్‌పోర్ట్ ఫోటో, ఆధార్, బ్యాంకు ఖాతా, కుల ధ్రువపత్రంతో రూ.40 చెల్లించి సచివాలయంలో దరఖాస్తు చేసుకోవచ్చు. ఈ కార్డుతో ప్రభుత్వ పథకాల్లో రాయితీలు, రవాణా సౌకర్యాలు, బ్యాంకింగ్ ప్రయోజనాలు పొందవచ్చు.