ఏపీలో అక్కడ కొరియన్ రెస్టారెంట్లు, సూపర్ మార్కెట్లు.. బియ్యం ధర తెలిస్తే కళ్లు తేలేస్తారు!

మీకు కొరియన్ ఫుడ్ అంటే ఇష్టమా.. కొరియన్ డ్రెస్సులు, వారు తినే పదార్థాలు రుచి చూడాలని ఉందా. అయితే వాటి కోసం నగరాలకు పరుగులు తీయాల్సిన పనిలేదు. అనంతపురం జిల్లాలోనూ ఇవన్నీ దొరుకుతున్నాయ్. అదేంటీ అనుకుంటున్నారా.. మీరు విన్నది నిజమే.. అనంతపురం జిల్లా పెనుకొండలో కియా కార్ల ఫ్యాక్టరీ ఏర్పాటైన సంగతి తెలిసిందే. ఇక్కడ కొరియన్లు వందల సంఖ్యలో పనిచేస్తున్నారు. వారి కోసం ఈ ప్రాంతంలో ప్రత్యేకంగా కొరియన్ సూపర్ మార్కెట్, రెస్టారెంట్లు, సెలూన్ ఏర్పాటు చేశారు.