ఏపీలో ఆ రూట్‌లోని వందేభారత్‌ రెండు రైళ్లలో సీట్లు ఫుల్.. అదనంగా బోగీలు, ట్రయల్ రన్!

Visakhapatnam Secunderabad Vande Bharat Additional Coaches: వందేభారత్ రైళ్లు దేశవ్యాప్తంగా నడుస్తున్నాయి. కొన్ని మార్గాల్లో నడిచే రైళ్లకు ప్రయాణికుల నుంచి మంచి స్పందన వస్తోంది. ఈ మేరకు డిమాండ్ పెరగడంతో రైల్వేశాఖ ఆయా మార్గాల్లో నడిచే వందేభారత్ రైళ్లకు అదనంగా బోగీలను ఏర్పాటు చేయాలని భావిస్తోంది. ఈ క్రమంలో విశాఖపట్నం-సికింద్రాబాద్-విశాఖపట్నం మధ్య నడిచే వందేభారత్ రైళ్లకు అదనపు బోగీలను ఏర్పాటు చేయాలని భావిస్తున్నట్లు తెలుస్తోంది. అయితే రైల్వే అధికారులు అధికారికంగా ఎలాంటి ప్రకటన చేయలేదు.