ఏపీలో కొత్తగా గ్రీన్ ఫీల్డ్ హైవే.. ఈ రూట్‌లో నాలుగు లైన్లుగా, ఈ జిల్లాలకు మహర్దశ

Vijayawada Khammam Greenfield Highway Works:విజయవాడ-ఖమ్మం గ్రీన్‌ఫీల్డ్ హైవే నిర్మాణానికి భూసేకరణ వేగవంతం చేయాలని ఎన్టీఆర్ జిల్లా యంత్రాంగాన్ని అధికారులు కోరారు. ఇంకా 40 శాతం భూమి సేకరించాల్సి ఉండగా, సగం భూమిని అప్పగిస్తే పనులు ప్రారంభించేందుకు కాంట్రాక్టు సంస్థ సిద్ధంగా ఉంది. విజయవాడ-నాగ్‌పూర్ ఎకనామిక్ కారిడార్‌లో భాగంగా ఈ హైవే నిర్మాణం జరుగుతోంది. ఖమ్మం జిల్లాలో పనులు వేగంగా జరుగుతున్నా, ఎన్టీఆర్ జిల్లాలో మాత్రం భూసేకరణ ఆలస్యం కావడంతో పనులు ప్రారంభం కాలేదు. త్వరగా భూసేకరణ పూర్తి చేయాలని అధికారులు కోరుతున్నారు.