ఏపీలో కొత్తగా మరో ఎయిర్‌పోర్టు.. అప్పటి నుంచే సేవలు..

Alluri Sitaramaraju international Airport Updates: విజయనగరం జిల్లాలోని భోగాపురం అంతర్జాతీయ విమానాశ్రయం పనుల పురోగతిపై కీలక అప్‌డేట్ వచ్చింది. ఇప్పటి వరకూ భోగాపురం ఎయిర్‌పోర్టు పనులు 86 శాతం మేరకు పూర్తైనట్లు కేంద్ర మంత్రి రామ్మోహన్ నాయుడు ప్రకటించారు. శనివారం భోగాపురం విమానాశ్రయం నిర్మాణ పనులను పరిశీలించిన రామ్మోహన్ నాయుడు.. పనుల పురోగతిపై వివరాలను అడిగి తెలుసుకున్నారు. అనంతరం 2026 జూన్ నుంచి భోగాపురంలో విమాన సర్వీసులు ప్రారంభించనున్నట్లు తెలిపారు.