ఏపీలో నిరుద్యోగులకు ఆర్టీసీ శుభవార్త.. 7673 ఉద్యోగాల భర్తీ!

APSRTC Driver and Conductor Jobs: ఏపీలోని నిరుద్యోగ యువతకు ఏపీఎస్ఆర్టీసీ శుభవార్త వినిపించింది. ఖాళీగా ఉన్న రెగ్యులర్ డ్రైవర్, కండక్టర్ పోస్టులను భర్తీ చేయాలని నిర్ణయించింది. మొత్తం 7673 ఉద్యోగాల నియామకానికి అనుమతి ఇవ్వాలంటూ ఏపీఎస్ఆర్టీసీ తీర్మానం చేసి ప్రభుత్వానికి పంపించింది. ఏపీఎస్ఆర్టీసీ పాలకమండలిలో ఉద్యోగాల భర్తీపై నిర్ణయం తీసుకున్నారు. మరోవైపు కండక్టర్, డ్రైవర్ పోస్టులతో పాటుగా ఖాళీగా ఉన్న మెకానిక్ ఉద్యోగాలను కూడా భర్తీ చేయాలని ఏపీఎస్ఆర్టీసీ భావిస్తోంది.