ఏపీలో ప్రభుత్వ టీచర్లకు గుడ్‌న్యూస్.. ఎన్నాళ్లకెన్నాళ్లకు, హమ్మయ్యా ఆ కష్టాలు తప్పాయి

AP Govt Launches Leap App For Teachers: ఆంధ్రప్రదేశ్ ప్రభుత్వ ఉపాధ్యాయులకు నారా లోకేష్ నేతృత్వంలోని విద్యాశాఖ శుభవార్త తెలిపింది. టీచర్ల కోసం 'లీప్' అనే ఒక సమగ్ర యాప్‌ను అందుబాటులోకి తెచ్చింది. గతంలో అనేక యాప్‌లతో ఇబ్బందులు పడుతున్న ఉపాధ్యాయులకు ఇది ఊరటనిస్తుంది. పాఠశాల, టీచర్, విద్యార్థి సంబంధిత వివరాలన్నీ ఒకే యాప్‌లో నమోదు చేసే వీలుండటంతో పని సులభమవుతుందని మంత్రి లోకేష్ తెలిపారు. ఇండియా జస్టిస్ డెలివరీ ఇండెక్స్‌లో ఆంధ్రప్రదేశ్ రెండో స్థానంలో నిలవడం పట్ల ఆయన హర్షం వ్యక్తం చేశారు.